1954 වර්ෂයේ මෙම ගම්මානයට මිනිසුන් පදිංචි කරවීය.ඉන් වසර තුනකට පසුව එච්.ඩබ්.ඩේවිඩ් මහතාට කරන අලද ඉල්ලීමට අනුව විසිදෙනෙකුගෙන් පමණ පාසල ආරම්භ කර ඇත්තේ අතහැර ගිය අංක 65 ඉඩමේයි.1960/09/09 දින රණතුංග මහත්මා විසින් නීලපොල රජයේ පාසල ආරම්භ කෙරිණ.විලියම්,එදිරිසිංහ,විජේසේකර,ඩග්ලස් යන විදුහල්පතිවරු පාසල පවත්වාගෙන ආ පසු වර්ෂ 1985 දී දිසානායක විදුහල්පතිගේ කාලයේදී ත්‍රස්තවාදී ප්‍රහාර හේතු කොටගෙන පාසල දීර්ඝ කාලයක් වසා තිබුණි.පී.එච්.ජයතිලක මහත්මාට විදුහල්පති පත්වීමක් ලබා දී නැවත පාසල ඇරඹීය.වසර 24කින් පමණ සේවාව නිමා විය.ඩබ්.ජයසිරි මහත්මා 1918 වන තෙක් වසර 12 ක් පමණ සිටීය.

1918/06/12 වන දින මා විද්‍යාලයට පැමිණෙන විට සිසු දරුවන් 72ක් සිටි අතර ගුරුවරුන් 12 ක් පමණ විය.1919 වර්ෂයේ අ.පො.ස.ස.පෙළ සඳහා දරුවන් නොසිටියේ ය.පසුව වෙනදාටත් වඩා ශිෂ්‍යත්ව විභාගය,සාමාන්‍ය පෙළ විභාගවල ඉහල සාමාර්ථයන් පමණක් නොව ජාතික මට්ටමේ ක්‍රීඩකයන් පවා නිර්මාණය කිරීමට හැකිවිය.එවන් කටයුතුවලදී අනගි සහයක් දී කාලය ශ්‍රමයට අමතරව මුදල්වලින්ද කැපවීම් කල නියෝජ්‍ය විදුහල්පතිනිය හා ගෞරවනීය ආචාර්ය මණ්ඩලයට හදපිරි සෙනෙහසින් ස්තුතිය පුදකර සිටිමි.

අප විද්‍යාලය සමග සම්බන්ධ විවිධ පාර්ශව සමග අදහස් හුවමාරුවේදී හා තොරතුරු හුවමාරුවේදී මෙම වෙබ් අඩවිය ඵලදායී ලෙස යොදා ගැනීමට හැකි වනු ඇතැයි මා විශ්වාස කරමි. අප විද්‍යාලය සමග සම්බන්ධ සියළු පාර්ශවයන්ට අප පාසල් බෙව් අඩවිය සමග සම්බන්ධ වී පාසලේ උන්නතියට සහයෝගය දක්වන මෙන් ආරාධනය කර සිටිමි. මෙම කර්තව්‍ය සාර්ථක කර ගැනීම සඳහා උරදුන් සැමට මාගේ හෘදයාංගම ස්තූතිය පිරිනමන අතර නැණ ගුණ සහිත අභියෝග ජයගත හැකි පිරිපුන් දරුවන් බිහි කිරීමට සමස්ත ගුරුවරුන්ට සියලු ශක්තිය ධෛර්යය ලැබේවා යි ප්‍රාර්ථනා කරමි.